PRAECENTOR

PRAECENTOR

Isidoro Origin. l. 7. c. 11. qui vocem praemittit in cantu: primus Cantorum in Ecclesia, qui Cantoribus praeest: dignitas Ecclesiastica, in Communione Romana in Cathedralibus Ecclesiis, vulgo Gallis Prechantre. Honorius Augustodun. l. 1. c. 17. Praecentor, qui cantantes voce et manu incitat, et servus, qui boves stimulô minans dulci voce bobus iubilat. Idem, c. 74. Praecentores, qui chorum utrinque regunt, sunt duces, qui agmina ad pugnam instruunt, Prateius apud Ioh. Calvin. Lexic. Iurid. Idem Archicantor dicitur, Bedae, l. 4. c. 18. et Archiparaphonista in Ord. Rom. quasi primus acclamator, quia ad ipsum pertinebat Missae introitum intonare, quod incipiebat per sinum egressionis Papae e Sacrario; Is enim ad ianuam attendens, cum Pontifex egrederetur, statim reliquis Ministris altâ voce, Accedite dicebat; quae praxis in Andegavensi Galliae Ecclesia adhuc durat, ubi Praecentor ante introitum, eôdem verbô ingressum Choro denuntiat, et in aliquibus festivitatibus processionaliter aquam pro sacrificio ex sacristia defert in vasculo abscondito, sub velo ab humeris pendente, praecedente Subdiaconô, sicut praefatus Ordo praescribit. Dominic. Macer in voce Archiparaphonista. Apud Hincmarum Remensem Epist. ad Carolum M. de Vita S. Dionysi, apud Mabillonium, praecentor Palatii Regii, i. e. Capellae Regiae, memoratur. In Monasteriis idem munus Praecentor seu Armarius obit, quod Praecentor in Ecclesiis Cathedralibus: de quo officio multa habet Udalricus Consuet. Cluniac. l. 3. c. 10. et Monastic. Angl. Tom. I. p. 299. Quem vero locum Praecentor tennerit, discimus ex Charta Eurardi Ambianensis Episc. A. C. 1218. quâ Praecentoriam (ita dignitatem Praecentoris

vocabant, Armulph. Lexoviensis Ep.) erigit in sua Ecclesia: Praecentor proximum stallum post Decanum, Cantor proximum stallum post Praecentorem, habebtint. Praecentor in superior flalio Canonicos installabit, Cantor in inferiori. Uterque dabit regimen duarum scholarum cantus. Iurisdictio puerorum communis erit utrique —— Praecentor audiet a Pueris id quod debent cantare —— Praecentor et Cantor simul regent chorum in Nativitate Domini, in Epiphania, in Pascha, in Ascensione, in Pentecoste etc. Item, Praecentor Chorum reget in Synodo: prima dies est Praecentoris, secunda Cantoris. Praecentor officium anni praenuntiabit et in iis omnibus si alter absens fuerit, ille qui praesens erit, supplebit defectum. Vide praeterea Statuta Ecclesiae Leichfeldensis in Monastico Anglic. Tom. 3. p. 241. et plura hanc in rem apud Car. du Fresne, Glossar. Origo dignitatis inde: Postquam Ecclesiasticum cantum, introductis iam Antiphonis ac Responsoriis multiplicatum, ordinavit Gregorius M; instiutô certô tempore, horisque, quas vocant, Canonicis, populus paulatim a Musica, ut quae iam operosior facta erat, ac Latinâ linguâ constabat, exclusus; sicque constituti certi homines sunt, quibus Cantorum officium imponeretur, Franc. Burmannus, Synopsi Theol. Christ. Part. 2. l. 17. §. 11. At Praecentor Tabularum, officium est, qui tabulis officialibus praeerat, apud Ingulfum. Dicuntur autem Tabulae Officiales Leoni Ostiensi, l. 3. c. 22. tabulae in Monasteriis, continentes seriem Ministrorum et Officialium, qui per hebdomadem publicis functionibus deputantur, quae in Capitulo seu Exedra ad communem omnium notitiam, exponuntur. Harum cura Praecentori huic, seu, ut idem vocat, Tabulario incumbit. Car. du Fresne Glossar. Vide et infra, in voce

Tabulae.